Eguerdian dantzarien kalejira egin dute herrian zehar, eta ondoren emanaldia eskaini dute pilotalekuan. Plazan egitekoa zen, baina euriagatik pilotalekuan egin dute. Tolosako Udaberri dantzari taldeko eta Lizartzako Otsolar dantza taldeko dantzariek hartu dute parte.
Txikitxoenetik hasi eta helduetara, euren dohainak erakutsi dituzte, bertara gerturatu diren herritarren gozamenerako. Bazkari herrikoian elkartu dira gero, eta arratsaldean erromeriak jarraitu du, Malkogarriyak taldearekin. Jan-edana ere ez da faltako, sagardo eta pintxo dastaketa izango baita.
