Euskara eta kulturartekotasuna gure hezkuntza komunitatean izeneko egitasmoa abian da Lizartzan. Proiektu honen helburua bikoitza dela azaldu du Lizartzako Udalak: "Lizartzan euskara komunikazio-hizkuntza izaten jarraitzea eta, aldi berean, euskara ez dakiten jatorri atzerritarreko herrikideen ulermena erraztea eta haien parte hartzea bultzatzea".
Horretarako, egungo aukera eta baliabide ezberdinen berri emateko asmoa izango du udalak, eta ostegunean izango dute horretako lehen saioa. Hain zuzen, Telegram aplikazioak ematen dituen aukerak erakutsiko dituzte, 18:00etatik 19:00etara, udaletxeko pleno aretoan. Parte hartzen dutenek aplikazioa instalatu beharko dute. Saiora aurikularrak eramatea eskatu du udalak, eta aldibereko itzulpena egingo dutela jakinarazi du.