Auto elektrikoen gorakadak herri desberdinetan karga-puntuen instalazioa ekarri du. Izan ere, Gipuzkoako Foru Aldundiak 5.000 biztanle baino gutxiagoko herrietan auto elektrikoak kargatzeko puntua instalatzeko proiektua abiatu zuen, eta Lizartzak ere bat egin du horrekin. Pilotaleku ondoko aparkalekuan ezarri dute birkarga puntua, eta martxan da dagoeneko.
Birkarga puntu hauen instalazioa Foru Aldundiak finantzatu du, eta 2025eko udaberrira arte autoa kargatzea doakoa izango dute herritarrek.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!