Gau Beltzean kaleak apaintzeko eskulanak bilduko dituzte

Aste honetan zehar bakoitzak bere etxean egindako eskulanak iganderako prestatu, eta astelehenean Lizartzako kaleetan zehar jarriko dituzte.

Gau Beltza ospatzeko asmotan dira aurten ere Lizartzan. Etxean, familia giroan, Gau Beltzerako eskulanak egin eta igandean jasoko dituzte, astelehenean herriko kaleak apaintzeko. Igandean, beraz, 19:30etik 20:00ak bitarte jasoko dituzte eskulanak plazan.

Bestalde, eskola aurrean eta ostatu atarian astelehenerako bokatak eskatzeko zerrenda jarriko da, astelehen gauean denek elkarrekin afaltzeko.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!