Nahiz eta euria egin, Lizartzako Mendiz Mendi Etxera mendi ibilaldian 210 pertsonek parte hartu dute. Ibilbide ezberdinak zituzten aukeran parte hartzaileek, eta bakoitzak egokien ikusi duen ibilbidea osatu du. Bakarrik, bikotean, lagun artean edota familian ezagutu eta gozatu dituzte Lizartzak inguruan dituen parajeak.
Kirola ez da bakarrik izan, ordea, gaurko egitekoa. 350 pertsona elkartu dira bazkaltzeko pilotalekuan. Goizean goizetik aritu dira bazkaltiar guztiei eskaintzeko otordua prestatzen. Gainera, mendizaleek, iritsi ahala salda beroa ere zain zuten helmugan.
Guztiaz gain, funtsean, Lizartzako Mendiz Mendi Etxera ibilaldiak badu helburu jakin bat antolatzaileen esanetan: "Lizartzarrak diren baina preso dauden herritar eta haien senideei elkartasuna adieraztea".
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!