60 pilotari ariko dira lehian Hiru Hiriburuak Txapelketan, lau mailatan banatuta. Elite mailan zazpi bikote ariko dira, eta Irati Zabala izango da protagonistetako bat. Lizartzarrak Beitia izango du aurrelari. Beste sei bikoteak ondorengoak izango dira: Arrizabalaga-Capellan, Arraiza-Gaminde, Barrokal-Bergara, Aldai-Mendizabal eta Etxegarai-Oses.
Txapelketa Gasteizen hasiko da urriaren 2an, eta ETB-1ek zuzenean emango ditu final-laurdenak. Finalerdiak astebete beranduago jokatuko dira, Bilboko Bizkaia pilotalekuan. Finala, azkenik, Donostiako Atano III.a frontoian jokatuko da urriaren 16an. Jaialdia euskal telebistak zuzenean emango du.