Prest dute egitaraua lizartzarrek festarako. Irailaren 8an, ostegunean, helduen bazkaria egingo dute ostatuan, 10 euroren truke, eta irailaren 10ean, larunbatean, afari herrikoia egingo dute plazan, parrillada eginez, 25 euroren truke. Txartelak aurrez hartu beharko dira Lizar dendan, ostatuan edota udaletxean.
Helduen bazkarirako honakoa menua zehaztu dute: bakailaoaz beteriko piperrak, arrain zopa, masailak saltsan letxugarekin, postrea, kafea eta kopa bat (belar likorea edo patxarana). Eta herri afarirako ere prest dute menua: tomate entsalada, arrain budina, sardinak parrilan, txekor saiheskia parrilan letxugarekin, limoi sorbetea, postrea eta kafea.
