Jaialdiko lehen partidan, Irati Zabala lizartzarrak parte hartu behar izan du, Uxue Osesen ordez, Olatz Arrizabalagaren atzelari lekua, baina ezer gutxi egin ahal izan dute Amaia Aldairen erakustaldiaren aurrean. Dimakoak beste erritmo bat jarri dio partidari, beste martxa bat duela erakutsi du eta Santi Brouard pilotalekuan gainera, asko asmatu du errematean. Ezin esan Arrizabalaga eta Zabala lizartzarrak partida txarra jokatu dutenik, baina aurkariak dezente gehiago izan dira.
Erasun jokatu gabe
Bigarren partidan Leire Garai eta Nora Mendizabal –Itxaso Erasun zizurkildarraren ordezkoa– 22-16 gailendu zaizkie Etxegarairen ordez aritu den Olatz Beitia eta Enara Gaminderi. Partida oso gogorra jokatu dute eta lau pilotariak ere oso gazteak izanagatik, azkenerako Garai eta Mendizabalek eskarmentu gehiago erakutsi dute eta sailkapeneko bigarren postura igo dira garaipena lortuta.
Ligaxkako hirugarren eta azken jardunaldia Bastidan jokatuko da, abuztuaren 3an, arratsaldeko 19.30etatik aurrera.