Otsabio egunerako prest zuten guztia Lizartzan. Herrian bertan geratu ordez, Goltzurko zelaira igo dira, oinez zein bizikletaz, horretarako prestatutako ibilbideak eginez. Oinezkoentzat, esaterako, bi ibilbide zituzten prestatuta, bata 3,4 kilometrokoa eta bestea 13 kilometrokoa. Eguerdian, mendian bertan haur eta gazteentzako jolasak izan dituzte, herriko begiraleen eskutik, eta jarraian, bazkaltzeko tartea hartu dute. Bazkalostean, mus eta toka txapelketak izan dituzte.