Kultur aniztasunaren nazioarteko eguna aprobetxatuz, pintxo tour bat egin zuten larunbatean Lizartzako plazan. Lizartzan bizi diren beste kulturetako pertsonen tradizioak bertako herritarrei hurbiltzeko asmoarekin antolatu dute. Iñaki Azpiroz alkateak esan duenez, "giro ederra" izan zuten goizean zehar, "arrakasta izan zuen, izan ere jaki guztiak amaitu ziren". Mexiko, Kuba, Ekuatore Ginea, Thailandia, Honduras, Sahara eta Euskal herriko pintxoak dastatzeko aukera izan zen.
Bestalde, igandean, Nerea Mendizabal eta Pituxaren eskutik Gatazka, ataska edo aska? ikuskizunaz gozatzeko aukera izan zuten herritarrek. Areto bete jende bildu zen udaletxean.