Otsabio Kirol Elkarteak Otsabio Eguna antolatu du maiatzaren 28rako. Goltzurko zelaian izango dira ekitaldiak eta bazkarirako txartelak salgai daude jada udaletxean, edota gaur zein ostiralean 18:30etik 20:00etara plazan. Helduen txartelak 20 euro balio du eta haur zein gazteenak 10 euro.
Goltzurko zelaira joateko taldeetako bat 10:00etan aterako da plazatik eta 13 kilometroko ibilbidea egingo du Narbaitzu eta Orexa pasata. Oinezko beste taldeak aldiz, 3,4 kilometro egingo ditu eta 11:30etik aterako da plazatik Batza eta Zakar pasata. Bizikletaz joaten direnek 57 kilometro egingo dituzte eta 09:00etan aterako dira plazatik. Tolosa, Zaldibia, Larraitz eta Amezketa pasako dituzte.
Egitaraua
Maiatzak 28, Goltzurko zelaian
- Goizean oinez eta bizikletaz egiteko ibilbideak
- 12:30. Haur eta gazteentzako jolasak Goltzurko zelaian
- 13:30. Talde guztien iritsiera
- 14:00. Bazkaria
- 16:00. Mus txapelketa
- 17:00. Toka txapelketa