Azkoitiko frontoian jokatu zen atzo Binakako Pilota Txapelketaren sailkapen ligaxkako azken jardunaldiaren barruko lehen partida. Elezkano II- Zabaleta bikotea gailendu zitzaion Jaka eta Mariezkurrena IIak osatutakoari, 22 eta 18ko emaitzarekin. Honenbestez, txapelketatik kanpora geratu da pilotari lizartzarra.
Xabier Tolosak eta Joseba Ezkurdia bere aurrelariak bere esku dute aurrera egitea. Gaur, Zallan, Urrutikoetxea-Arangurenen aurkako partida irabaziz gero, kanporaketarako sailkatuko dira. Peña II.ak eta Albisuk ziurra dute kanporaketako partida jokatzea, baina gaurko Iruñeko partida irabaziz gero, bosgarren postua bereganatuko dute.
Altuna III.ak eta Martijak bere esku dute lehen bi postuetan geratzea eta finalerdietara zuzenean pasatzea. Horretarako Laso-Imazi irabazi behar diote bihar, Eibarren.