Urriaren 20an izango da lehen saioa, eta azaroaren 4an, 10ean, 19an eta abenduaren 2an izango dira besteak, 18:30etatik 20:30era guztiak, eta azaroaren 19koa 19:15etik 21:15era. 12 eta 17 urte bitarteko gaztetxoei zuzendutako saioak izango dira eta dinamizatzaile batek gidatuko ditu.
"Zeintzuk dira zure interesak?" edo "Nola sentitzen zara herrian?" bezalako galderei erantzunak bilatzen saiatuko dira, eta, bide batez, lagunekin ongi pasatzeko saioak izango dira. Izena astelehena baino lehen eman beharko da, liburutegian bertan edota 606 041 399 zenbakira whatsapp bat bidalita. Saioak Lizartzako Udalak antolatu ditu, Gipuzkoako Foru Aldundiaren laguntzarekin.