Ikasturte berrirako prest dituzte ikastaroak Lizartzan. Irailaren 13tik aurrera hasiko dira saioak. Ikastaroak egin ahal izateko, gutxienez zortzi lagunek eman beharko dute izena. Ikastaroa astean egun batean jaso nahi duenak 15 euro ordaindu behako ditu, eta yoga aukeratzen duenak hilean 20 euro, ord eta erdiko saioak direlako. Astean bi egunetan joango denak, 25 euro ordaindu beharko ditu.
Ikastaroa jasotzen dutenek, hiru hilabeteko kuota ordaindu beharko dute, eta hiruhilekoa hasi ondoren uzten duenari ez zaio dirurik itzuliko. Izena eman nahi duenak, irailaren 10a bitarteko epea izango du. Bi bide jarri dituzte: lizartza@lizartza.eus helbidera idatzita, edo 673 905 685 zenbakira whatsapp bat bidali edo deituta.
Ikastaroak
- Yoga: astelehenak, 19:30 - 21:00.
- Gimnasia: astearte eta ostegunak, 09:00 - 10:00.
- Pilates: astearte eta ostegunak, 17:30 - 18:30.
- Zumba: astearte eta ostegunak, 19:00 - 20:00.
- Strong: asteartea, 20:15 - 21:15.
- Hipopresiboak: asteazkena, 19:30 - 20:30.
Saio guztiak Gunean izango dira.