Pasa den urtean denboraldia amaitu, eta irailean Altzon elkartu ziren solaskideak, eta bertan Altzoko Handiaren ibilbidea egin ostean, ostatuan egin zuten bazkaria. Egun ederra pasa zutela ikusita, aurten ere denboraldia amaitzearekin batera, errepikatu egin nahi izan dute, eta guztiak Lizartzan elkartu dira. Lehendabizi mendi buelta egin dute, eta ondoren, ostatuan egin dute bazkaria.
Manu Olano, Txepe Agirrezabala, Izaskun Elizaran, Malentxo Arrospide, Marimi Ugalde eta Joxe Agustin Arrietak hamabostean behin hartu dute parte Ataria Irratiko solasaldietan. Denboraldia amaituta, estudiotik kanpo elkartu dira, Lizartzan, lagunarteko giroan egunpasa egiteko.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!