Ina Zeberio lizartzarra orain 23 urte hil zuen Ertzaintzak, tiroz. Gernikan izan zen gertakaria 1998ko ekainaren 5ean eta urtero lore eskaintza egiten diote bertan. Lizartzan mendi irteera eta bere omenezko monolitoaren aurrean ekitaldia egiten dute.
Gernikako ekitaldia larunbatean izan zen. Sortuko Haimar Altuna Ijurkok salatu zuen "basakeria eta bortizkeria" izan zirela nagusi duela 23 urteko ekainaren 5ean. "Batzuek tematuta jarraitzen dute herri honetan gertatu den egiaren zati garrantzitsu bat ezkutatu eta desagerrarazten. Ikusi dugu Gasteizko biktimen memorialean eta Egia Zor fundazioak jasandako jazarpenean", esan zuen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!