Elkartasun materiala herritarren eskura jarri du Lizartzako Sare herritarrak. "Herritar askoren aldetik azken aldian eskaera desberdinak jaso ditugula ikusita, eskaera kolektibo bat egingo dugu", esan dute. Kirol kamiseta heldu zein haurrentzat, presoen aldeko banderola eta musukoak dituzte salgai, "elkartasunak mugarik ez duelako".
Eskariak egiteko sarelizartza@gmail.com helbidera edota 606 170 844 zenbakira deitu beharko da, ekainaren 13a baino lehen. Ondoren egingo dute materialaren banaketa.
