Irristaketa ikastaroan izena emateko epea zabaldu du Otsabio kirol elkarteak. Apirilaren 6tik 9ra, lau saio eskainiko dituzte. 12 eta 18 urte bitartekoentzat 17:00etatik 18:00etara izango da, eta 18 urtetik gorakoentzat 18:00etatik 19:00etara bitartean. Taldea osatzeko, gutxienez 8 kidek eman beharko dute izena. Asteazkena bitarte eman beharko da izena udaletxean edo 673 905 685 zenbakira deituta. Ikastaroa egin ahal izateko 10 euro ordaindu beharko dira.