Erik Jakak Lau eta Erdiko Pilota Txapelketako finala izango du jokoan gaur arratsaldean Jokin Altunaren aurka. Duela hilabete eskas Buruz Buruko finalean neurtu zituzten indarrak bi aurkariek, eta gaur berriro ikusiko dute elkar. Buruz Buruko finalean Jaka gailendu zen, eta gaurko finalean ere txapela etxera eramateko asmoa du. Horregatik, Lizartzako herritarrak Jakaren etxe atarian elkartu dira pilotari lizartzarrari Lau eta Erdiko finalerako animoak emateko, eta modu horretan, finala hasi baino ordu batzuk lehenago bere herriaren babesa eta berotasuna jasotzeko aukera izan du Jakak.