Lizartzako Sare Heritarrak ekimen baten berri eman du: azaroaren 22an, 12:00etan herriko plazan, mosaiko herritarra egin nahi dute, eta erronka modura, gutxienez 100 herritar biltzea lortu nahi dute. Eta mosaikoaren helburua ere argi dute: "Aitor (Agirrebarrena) eta Garirekin (Etxeberria) batera gainontzeko preso guztiak etxera ekartzea, elkarbizitzan bizi den jendarte baten eraikuntzan aurrera egin eta bakearen aldeko urratsak ematen jarraitzeko ezinbestekoa dugulako".
Mosiakoan parte hartu nahi duten herritarrek izena eman beharko dute aurrez sarelizartza@gmail.com helbidera idatzita edota 606 170 844 telefono zenbakira whatsapp bat bidalita.