Erik Jaka lizartzarrak igandeko partidan hartu zuen min. Ezkurdia eta Arangurenen aurkako partida amaitzea lortu bazuen ere Zarautzen, atzo egindako probak baieztatu du zuntz haustura duela eskuin bikian.
Jose Mari Urrutia medikuak jakitera eman duenez, aurrelariak hiru aste pasa beharko ditu kantxetatik kanpo. Bere ordez, Peio Etxeberria ariko da Albisurekin bikotea osatuta Caixabank Masters Txapelketan.
Jaka-Albisu bikotea sailkapenean seigarren postuan dago, eta hurrengo partida, Altuna III.a-Imaz bikotearen aurka jokatuko dute igandean, Elgoibarren.