Koronabirusak eragindako egoeraren ondorioz, Lizartzako Udalak aurtengo San Juan sua ez ospatzeko erabakia hartu du. Hori dela eta, ekainaren 23an suaren bueltan plazan egin ohi den ekitaldia eta afaria ez dira antolatuko.
Era berean, segurtasun neurriak betetzeko eskatu diete herritarrei: "Aurrerapausoak ematen ari garen arren, oso garrantzitsua da neurriak errespetatzea". Metro eta erdiko distantzia mantentzeko, distantzia hori mantendu ezin dutenetan musukoa janzteko eta eskuak garbitzeko eskatu diete.