Lizartzako Udalak herritarrei eskerrak eman nahi dizkie

Bideo baten bidez herritarrei animoak eta esker oneko hitzak eman nahi izan dizkie udal taldeak; orain arte bezala jarraitzeko gomendioa egin diete.

Lizartzako udal taldeak herritarrak zoriondu nahi izan ditu egiten ari diren ahaleginagatik eta izaten ari diren portaeragatik. Ezarritako arauak zorrotz errespetatzeaz gain, elkartasun eta auzolanerako "jarrera izugarria" izaten ari direla azaldu dute.

Era berean, azken asteetan sare sozialen bidez antolatzen ari diren ekimenak izan dituzte gogoan, "herri giroa sustatu eta indartzeko lan handia egiten ari dira herritar ugari". Egoera zailak bizitzen ari diren herritarrak ere ez dituzte ahaztu, izan lan arrazoiengatik, osasun arazoengatik edota gertu ez dauden senideengatik.

Aholkuak betetzen jarraitzeko eskatu dute, "bizimodu eta elkarbizitza eramangarriagoa izan dadin". Auzolanean jarraitzeko deia ere egin dute, eta udal taldearen izenean animoak eman nahi izan dizkie herritar guztiei.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!