Herri gisa, Aberri Egunean, besarkada kolektiboa eman nahi dutela azaldu du Lizartzako Udalak. "Urrun ditugun lagunei, bidean birus honek eraman dituenei, hauen senideei, zaintza erdigunean jartzen ari diren profesional eta boluntario guztiei egin nahi diegu aitortza", azaldu dute.
Aberri Eguna ospatzeko egitaraua antolatu dute:
12:00. Irten zure etxeko balkoi edo leihora.
12:15. Agurra dantzatuko dute herriko musikarien doinura.
12:30. Euskal Herria Batera herri ekinbidearekin irratiz sintonizatuko dute: Lehenik, minutuko isilunea; eta jarraian Txoriak txori eta Ikusi mendizaleak abestiak abestuko dituzte. Bi abestiak amaitzean brindisa.