Gabon giroko partida hartu zuen Beotibarrek, eta ikusleek giroaren pare gozatu zuten partidaz; eskualdeko pilotariak, gainera, garaipena eskuratu zuen. Erik Jaka eta Jose Javier Zabaleta lidertzan sendotu ziren atzoko garaipenarekin, eta txapelketako hurrengo fasera zuzenean sailkatzeko hautagai nabarmenetako batzuk dira.
Bengoetxea eta Mariezkurrena partidan sartuta izan ziren ia uneoro, baina haien akatsek eraman zituzten, besteak beste, porrotera; atzokoarekin, txapelketako bosgarrena. Kontrara, Jakak eta Zabaletak bosgarren garaipena erdietsi zuten atzo, bi pilotarien lan zehatzari esker.
Gaur, Iruñeko Labriten izango da binakako txapelketako partida, Ezkurdia-Martija eta Laso-Albisu bikoteen artean.