Otsolarren ikastaroetan izen ematea zabalik

Otsolar dantza taldeak prest du ikasturte berria. 2013tik 2016ra bitartean biak barne jaiotakoei euskal dantzak erakutsiko dizkiete, astelehenetan, 18:00etatik 19:00etara. 2012 urtean edo lehenago jaiotakoei, berriz, asteazkenetan, 17:15etik 19:15era. Helduen taldean plaza dantzak erakutsiko dituzte, eta inauteri dantzak ikasteko aukera ere izango da. Izena eman nahi duenak 685 76 54 77 telefono zenbakira deitu beharko du, eta ikasturteari hasiera hilaren 30ean emango diote.