Lizartzako festak hasi berri dira eta igandera arte ez dute etenik izango. Herriko helduek izan dute horren ardura. Jaiak adinik ez duelako, helduen izenean, Joxe Mari Zinkunegik eta Sagrario Soroak piztu dute txupina eta Zinkunegik bertsotan agurtu ditu herritarrak.
Hortik aurrera ere bertsotan jarraitu dute. Hain zuzen, bertso saioa eskaini dute Andoni Egañak eta Sebastian Lizasok eta jende ugari bildu da beraiei entzuteko. Asteburu osoan izango dituzte festak. Ikusi egitarau osoa hemen.
