Erik Jakak 28 minututan irabazi dio Irribarriari

San Ferminetako lau eta erdiko txapelketan 8-22 irabazi dio lizartzarrak buruz buruko txapeldunari. Lehen hiru tantoetan bakarrik izan zen lehia. Hortik aurrera, Jakak erraz nagusitu da 30 minutu iraun ez duen partidan.

Ostiralean Iñaki Artolak Mikel Urrutikoetxearekin egin bezala, igandean, Erik Jakak buruz buruko beste finalista lau eta erdiko San Fermin Txapelketatik kanpo utzi zuen. Emaitza argia eta argigarria izan zen: 8-22.

Partidako lehen tantoetan borroka egon zen baina hortik aurrera Jaka erabat nagusitu zen. Sakearekin hiru tanto lortu zituen lizartzarrak, eta jokoan, 12; lau kale besterik ez zituen egin. Irribarriak lau tanto eta 7 hutsegite egin zituen. Beasainen jokatu zen partidak 28 minutu eta 45 segundoko iraupena izan zuen.

Final-zortzirenetako kanporaketa gaindituta, Joseba Ezkurdiaren aurka jokatuko du orain Erik Jakak. Iñaki Artolak Bengoetxea VI.a izango du aurkari final-laurdenetan, eta Jokin Altunak, Elezkano kaleratu zuen Peio Etxeberria.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!