Egunari hasiera dantza emanaldi batekin emango diote. 12:00etan hasiko da, eta herriko Otsolar dantza taldeko kideez gain, Oinkarikoek eta Udaberrikoek hartuko dute parte. Horren ostean, 13:00ak aldera, herritar guztiei zuzendutako plaza dantzak egingo dituzte.
Festarekin jarraitzeko, herri bazkaria egingo dute 14:30ean. Txartelak salgai daude herriko tabernan eta dendan, osteguna bitarte. Ondoren, kantatzeko aukera izango da herriko musikarien eskutik. Arratsaldean, 18:00ak inguruan, erromeria izango da Gari eta Iñakirekin, eta sagardo eta pintxo dastaketarekin amaituko dute eguna.
Garaiko euskal jantziei hautsak kendu eta erromeri egunean parte hartzeko deia egin dute Lizartzako Otsolar dantza taldeko kideek. Ohitura bilakatu zaie urteko egun batez, erromeriaz gozatzearena, eta horrelaxe egingo dute, larunbatean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!