Erik Jaka berriro ere min hartuta

Julen Retegik hartuko du lau eta erdikoan lizartzarraren lekua, ligaxkan

Erik Jakak berriro ere min hartu du. Uda guztia lesioagatik geldirik egon ondoren, lau eta erdiko txapelketan itzuli zen kantxetara. Asteartean, ordea, entrenatzen ari zela berriro lesionatu zen. Mediku azterketak giharretan lehen graduko lesioa duela erakutsi zuen, eta ondorioz, Jakak gutxienez bi astez egon beharko du geldirik.

Aspe enpresak jakitera eman zuenez, lau eta erdiko txapelketan Julen Retegik hartuko du Erik Jakaren lekua, final-laurdenetako ligaxkan.

Lesioarekin dabilen beste eskualdeko pilotaria Jokin Altuna da. Astelehenean Olaizola II.aren aurka jokatzekoa da amezketarra, Tolosako Beotibarren. Ostiralean erabakiko du partida jokatzeko moduan den edo ez.

Promozio Mailan, Jon Ander Peñak Bakaikoaren aurka jokatuko du. Partida hori Legution jokatuko da ostiralean, 17:30ean hasiko den pilota jaialdiaren barruan.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!