Lizartzako jaietan, urtero-urtero, Amabirjinaren egunez izaten dute Dantza Soka. Tradizio handiko ekitaldia da eta berezia da, inauterietako dantzak bezala.
Gutxienez 1.925 urtetik dantzatzen da Dantza Soka Lizartzan Amabirjinaren egunean, irailaren 8an, alegia. Ordutik dantzak berak edo janzkerak izango zituen gorabeherak segur aski, baina modu batera edo batera tradizioari eutsi diote lizartzarrek.
Ez da Dantza Soka dena den, jaietako ekitaldi bakarra. Egunak luze joko du oraindik Lizartzan, eta bihar ere izango dituzte ekitaldiak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
