Isk&bila txarangak eman dio hasiera Lizartzako plazan dagoen Txirrita elkartearen urteurren jaiari. Elkartean bildu eta musikarekin alaitu dute goiz bustia. Bazkaldu eta gero, toka txapelketa egingo dute, plazan, 18:00ak aldera, eta bukatzeko, parrilla atera eta barrikote irekia egingo dute, elkartearen kanpoaldean.
Lizartzako Txirrita elkartean 40. urteurrena ari dira ospatzen. Bazkari legea egingo dute, 1978. urteko inaugurazioan egin bezala, baina horretaz gain, herria girotzeko saiakera ere egin dute, nahiz eta eguraldiak ez dien lagundu.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!