Arratsaldeko 18:30ean gertatu da istripua. Zuhaitz bat erori da errepidean, eta auto bat harrapatu du azpian. Autoaren muturra erabat txikitu du. Alegian eta Anoetan ere erori dira zuhaitzak.
Sustoa baino ez da izan, istripuan ez baita zauriturik izan. Autoan gidaria bakarrik zihoan eta bere kabuz irten da autotik. Eroritako zuhaitzak errepidearen ia zabalera osoa hartzen du eta, ondorioz, G-2135 errepidea erabat moztuta dago.
Beste bi zuhaitz ere erori dira eskualdeko errepide sarean. Bata, Alegian, Orendainera bidean, Alegiako bidegurutzetik 100 metrora, eta errepidea oztopatzen ari da. Bestea, Anoeta eta Hernialde artean. Argazkian, Alegia.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!