Garai bateko Dantzari Txiki Egunari buelta eman, eta Erromeria Eguna egiten hasi ziren orain bost urte Otsolar dantza taldeko kideak, udalaren eta Txirrita elkartearen laguntzarekin.
Egunari Amasa-Villabonako Oinkariren, Tolosako Udaberriren eta Lizartza bertako Otsolar dantza taldekoen dantzariek emango diote hasiera 12:00etan. Herri bazkaria ere egingo dute eta gaur da txartelak erosteko azken eguna. Herriko taberna eta dendan erosi daitezke.
Ekainak 3, larunbata
12:00. Dantza emanaldia, plazan.
13:00. Plaza dantzak.
14:30. Herri bazkaria eta ondoren, kantu saioa herriko musikarien eskutik.
18:00. Erromeria Bide Batez taldearekin.
19:00. Sagardo eta pintxo dastatzea Adunako Aburuza, Lizartzako Goikoetxea, Adunako Zabala, Astigarragako Lizeaga, Hernaiko Rufino eta Hernaniko Alberro sagardotegiekin.