Lizartzako eskolak ekitaldiak antolatu ditu aste honetarako. Astelehenean hasi zuten Eskolaren Astea eta ostirala bitarteko ekitaldiak izango dituzte, tartean urtero egiten duten bizikleta festa eta ikasle, guraso zein irakasleak biltzen dituen afari merienda.
Atzo ez zuten ekitaldirik egin, hala ere, Araba, Bizkai eta Gipuzkoan Hezkuntza Publikoan deitutako grebarekin bat egin baitzuten.
Ekitaldietako batzuk eskolan bertan izango dira eta beste batzuk, plazan. Ostiralean egun pasa egingo dute HH zein LHko ikasleek.
EGITARAUA
Gaur, hilak 17
19:00. Jaialdia, plazan.
Bihar, hilak 18
14:15. Haur Hezkuntzakoen bizikleta festa izango dute eta Lehen Hezkuntzakoek mendi irteera eta pista jokoa egingo dituzte.
19:00. Afari-merienda, plazan.
Etzi, hilak 19
Egun pasa. Haur Hezkuntzakoek Asteasura irteera egingo dute eta Lehen Hezkuntzakoak, Donostiako Txuri Urdinera joango dira.