Giro bikaina nagusi Lizartzan. Eguraldia lagun, 11:00etan, meza nagusia izan da elizan. Bertaratutakoek, hamaiketakoaz gozatzeko aukera izan dute ondoren, plazan. 12:00etan, dantzariak herriko kaleetan zehar ibili dira, gurdi, mozorro eta gainerakoekin puska biltzen, txistularien laguntzaz, eta kalejirarekin amaitzeko, Lizartzako Ihaute Dantzak egin dituzte plazan. Guztiak ere mozorrotuta irten dira kalera.
Dantzan xahututako indarrak biltzeko, herriko pilotalekuan herri bazkaria egin dute. bertara, inguruko herritako jendea ere joan da. Bertan, garbantzuak eta txekorra dastatu ahal izan dituzte, Isk&bila txarangaz alaiturik. Ondoren, Tio Teronen Semeak dantza taldearen emanaldia ikusteko aukera izan da. Inauteriak amaitutzat emateko, plazan "ijitoa" erreko dute arratsaldeko 20:30ean.