BiHozkada eta Eraul taldeen kontzertuak egongo dira bihar, Lizartzako pilotalekuan, doan, 22:00etatik aurrera.
BiHozkadakoek Bi Hozkada diskoko abestiak eskainiko dituzte. Izaera eta estilo ezberdinetako kideak direla diote eta euskarazko kantu gogorrago zein goxoagoak sortzen dituztela. Pop-rockera gerturatzen direla diote.
Lau kidek osatzen dute taldea eta horietako hiru eskualdekoak bertakoak dira: Tomas Lizardi alkizarrak gitarra eta ahotsa jartzen ditu bertan, Nahikari Calleja anoetarrak baxua eta Amasa-Villabonako Iñaki Lizasok ahotsa eta gitarra.
Eraulek, bere aldetik, hiru abestiz osatutako maketa bat du kalean, baina Lizartzan abesti gehiago ere joko dituzte.