Ibai Aginagari hartu dio lekukoa lizartzarrak. Aginagak igandean hasi zuen gose greba, baina bertan behera utzi du "bihotzeko arazoak direla-eta, konortea bi aldiz galdu eta gero".
71 egunez, gose greban
Aitzol Gogorzak hasi zuen gose greba mugagabea abuztuaren 6an, "pairatzen duen gaixotasuna eta kartzela guztiz baterazinak direla aldarrikatzeko". Ekimen horri segida emanez, Huelvako preso politikoek hasi zuten gose greba abuztuaren 18an. 59 egunez egin dute txandakako protesta, urriaren 15era arte.
Egun horretatik aurrera, Jon Kepa Preciadok egin du gose greba bost egunez. Preciadok Sevilla IIko kartzelan dagoen Ibai Aginagari eman zion lekukoa, eta protesta egin du hiru egunez, janariari uko eginez. Abuztuaren 6tik hasita, 71 egun daramatzate guztira, txandakako gose greban.