1994. urtean Otsolar dantza taldeak inauteriak berreskuratu zituen Lizartzan eta horrekin batera, antzina garai horretan egiten ziren dantzak. Tradizioa berrituz, neska-mutilak baserriz baserri ibili dira gaur goizean puska biltzen, mozorrotutako herritarrekin kalean bildu aurretik.
Festak arratsaldean jarraituko du eta bihar, ijitoa errez amaituko dituzte Lizartzako inauteriak.
URTARRILAK 30, GAUR
13:30. Inauteri partaide guztiek kalejira, Arrateko zubitik irtenda. Ondoren, denek elkarrekin bazkalduko dute herriko frontoian.
18:00. Gurdi eta mozorroak Joxe Mariko aparkalekuan bilduko dira kalejiran plazara jaisteko, bertan sagardotegi ezberdinetako sagardoak eta ‘Lizartzako talogileak’ egindako taloak jateko aukera izango da.
URTARRILAK 31, BIHAR
11:00. Meza Nagusia. Ondoren, hamaiketakoa plazan.
12:00. Dantzariak kalean ibiliko dira puska biltzen gurdi, mozorro eta gainerakoekin batera. Ondoren, Lizartzako Ihaute Dantzak plazan.
14:00. Inauteri bazkaria herriko pilotalekuan. Ondoren, txaranga eta bertso saioa. 20:30. Plazan “ijitoa” errez inauterien amaiera.