Final hamaseirenetara sailkatzeko Lemunori irabazi behar izan zion. Ondoren, Jaunarena kaleratu zuen. Final zortzirenetan, Barriolari irabazi zion. Final laurdenetako ligaxkan hirutik bi partida irabazi zituen: Ezkurdia eta Olaizola II.aren aurka. Bengoetxearen aurkako porrotarekin, finalerdietara ezin pasa gelditu zen.
Txapela kentzeko moduko txapelketa egin zuen lizartzarrak, emaitza eta joko ikusgarriarekin.
Aurten, ordea, emaitza horiek ez ditu kontuan hartu enpresak, eta Olaetxea lehen kanporaketan jarri dute, final hamaseirenetan. Partida hori bihar izango da, Tolosako Beotibar pilotalekuan. Jaialdia 18:00etan hasiko da, eta bigarren partida izango da Olaetxea-Irribarriaren artekoa. Partida irabazten duenak final zortzirenetarako txartela lortuko du, eta Iñaki Artolaren aurka jokatu beharko du.
Tolosako jaialdiko lehen partida ere txapelketakoa izango da: Arretxe II-Ezkurdia. Ondoren, Gorka-Tolosak Jaka-Irustaren aurka jokatuko dute.