Antzerkiaren gai nagusia ebola gaitza izan da. Gaizki ulertua izan da eta Lizartzan gaitza zabaldu dela uste izan dute, eta frontoia berrogeialdian jarri. Azkenean, gaizki ulertua konpondu eta dantza afrikarren emanaldiarekin bukatu dute antzezlana.
Euskal dantzak herriko Otsolar taldekoek eta Amasa-Villabonako Oinkari taldekoek egin dituzte. Txiki, gazte eta heldu elkartu dira herriko frontoian. Aipatzekoa da ere musikarien saioa: herritarrek osatutako taldeak zuzenean jo du musika guztia, maila ederra erakutsiz.
Eta nola ez, inauterietako udalbatza egon da emanaldi guztia jarraitzen. Txekorra ere bertan izan da, frontoian, baina azken urteetan egin ohi den moduan, ez dute hil. Hori bai, gibela jan dute bai udalbatzakoek baita hala nahi izan duten herritarrek ere. Hurrengo asteburuan jarraituko dute lizartzarrek inauteriak ospatzen.