Aurten 20 urte beteko dira Leaburu-Txaramako Udala eta Saharako Guelta herria senidetu zirenetik. Urteurren hau ospatzeko, eta Saharako haurrak eskualdean daudela aprobetxatuz, udalak «jai xume bat» antolatu du beraiekin batera ospatzeko.
Uztailaren 30ean, asteazkenean egingo dute festa. Egun osoan zehar haurrentzako puzgarriak izango dira, eta arratsaldean, txokolatada egingo dute. Luixa Uzkudun zinegotziak esan du ospakizun polita izango dela, «elkar ezagutzeko, harremanak estutzeko eta adiskidetasuna ospatzeko».