Ohiturari jarraituz, patata tortilla lehiaketa egin dute Leaburuko sanpedroetan. Guztira zazpi talde aritu dira parte hartzen, eta azkenean Eneko Orbegozo eta Magali Ezeiza izan dira irabazleak. Arkumea eraman dute sari modura. Bigarrenak Idoia Arrospide eta Lorea Ibañez izan dira, eta hauek Mahalako saskia jaso dute.
Epaimahaiak bere iritzia eman ondoren, lehiaketan prestatu diren patata tortillak jateko aukera izan da triki poteoan. Ondoren, 21:30ean, herri afaria eta bingoa izango dira, eta gauerditik aurrera DJ Jade lokalean, goizaldera arte.
Sari banaketako argazkian: Eneko Orbegozo, Lorea Ibañez eta Idoia Arrospide.