Azken asteetan argazki zaharrak biltzeko deialdia egina zuten auzoan. Bada, bere emaitzak eman ditu, eta jasotakoarekin osatu duten erakusketa zabaldu dute gaur. Kultur etxean egongo dira auzoko argazki zaharrak ikusgai, ekainaren 4ra arte, hau da, hurrengo asteazkenera arte. Bihar, igandea, 1:00etatik 14:00etara egongo da ikusteko aukera, eta astelehenetik asteazkenera, 16:00etatik 19:00etara.
Erakusketa zabaltzearekin batera, festen bigarren eta azken egunean izan da gehiagorik. Eguerdian Oihana Iguaran eta Anjel Mari Peñagarikano bertsolariek alaitu dute luntxa. Ondoren, kalejiran joan dira kultur etxetik elkarteraino eta bertan bazkaltzeko elkartu dira 40 herritar inguru. Kasu honetan ere, amasarra eta anoetarra arduratu dira euren bertsoekin giroa alaitzeaz. Bazkalostean ere bertsolariekin batera, musikariak izango dir