Txaramako jai batzordeak garai bateko argazki bilduma bat egiteko asmotan dabil, garai batean Txarama nola zen jasotzeko. Argazki hauetan herriko txoko desberdinak agertzeko eskatu du jai batzordeak; frontoia, zinea, errota, gasolindegia,Kuatrobientos. Kaskajera, Matraka, Kartero, Toledoko benta, Afrika Txiki, Tenisa eta Playa Morena bezalako lekuak, besteak beste.
Horretarako, herritarrei etxean gordeta dituzten argazki zaharrak bidaltzeko eskatu diete. Argazkiak aurkeztu nahi dituzten herritarrek gaurtik hasita hileko azken ostiraletan Txaramako elkartean aurkeztu beharko dituzte, 19:00tatik aurrera. Edozein zalantza argitzeko 691 711 602 (Eugenio) zenbakira deituta egin daiteke.