Hernaniko Jauregi jatetxean egin zuten desafioa larunbatean. Emakumezkoetan 100 metro karratuko saila moztu zuten, eta Izadi Arrospide izan zen azkarrena (5.48); Maider Garmendia izan zen bigarrena (6.12), honek ere Euskal Herria ordezkatuz; eta hirugarrena Veronika Abfalter bavariarra izan zen (7.02).
Gizonezkoetan, berriz, bavariarrak izan ziren garaile. 40 minutuz aritu ziren segan, eta Bayerreko Johannes Egger eta Johann Wolfgruber segalariek 3.201 kilo moztu zituzten. Euskal Herriko Amaiur Arrospide eta Josu Mendizabal bikoak 3.137 kilo moztu ahal izan zituen.