Apustua Hernaniko Jauregi jatetxean egingo da, larunbat honetan, urriak 26, 17:00etan. Sarrerak 10 euro balioko ditu.
Batetik, gizonezkoak ariko dira, binaka. Euskal Herriaren aldetik Amaiur Arrospide eta Josu Mendizabal ariko dira eta Bayernen aldetik Johannes Egger eta Johann Wolfgruber. 40 minutuz ariko dira segan, eta kilo gehien mozten duenak irabaziko du.
Emakumezkoetan 100 metro karratuko saila moztu beharko dute ahal den denbora gutxien. Euskal Herriaren aldetik Maide Garmendia eta Izadi Arrospide ariko dira. Bayernen aldetik segalari bakarrak parte hartuko du: Veronika Abfalter.