Urtero egin izan den bezala, bazkaria, musika, kantuak, dantza, bertsolariak eta pilota partida izango dira bertan. Leaburu-Txaramako Udalak autobusa jarriko du joan nahi duten herritarrentzat. 8:45ean abiatuko da Leaburuko plazatik eta geldialdia egingo du 9:00etan Txaramako paper-fabrikako autobus geltokian. Izena emateko, udal bulegoetara deitu behar da (943 675 931) eta gaur da azken eguna.
Egitaraua:
- 11:00. Bertso pilota jaialdia, plazan.
- 12:30. Zintzur bustitzea, Harrizko Zubian.
- 13:30. Bazkari alaitua. Menua: Entsalada kurruskatsua ganba eta muskuiluekin, paella, ardi gasna eta bizkotxoa eta ardoa. Haurrentzat menu berezia egongo da.
- Ondoren. Toka, zozketa eta taloak.
- Egun guztian zehar. Txaranga eta haurrentzako puzgarriak.