Larunbat honetarako, uztailaren 23rako, Larresoroko (Lapurdi) harrizko zubiko jaietan parte hartu nahi dutenentzat irteera antolatu du Leaburu-Txaramako Udalak. Urteroko moduan, bazkaria, musika, kantuak, dantza, bertsolariak, pilota partidak eta beste izango dira bertan. Udalak autobusa jarriko du joan nahi duten herritar guztientzat. Leaburuko plazatik abiatuko da autobusa 08:45ean, eta Txaramako papelerako autobus geltokian egingo du beste geldialdia 09:00etan.
Izena emateko 943 67 59 31 zenbakira deitu beharko da, hilaren 20a baino lehen.
Egitaraua
- Uztailak 23, larunbata
- 11:00. Bertso Pilota plazan.
- 12:30. Zintzur bustitzea Harrizko Zubian.
- 13:30. Bazkaria (25 euro). Xingar eta meloin, paella, ardi gasna eta biskotxa, arnoa barne. Haurrentzat menu berezia (5 euro).
- Toka, zozketa eta taloak.
- Etiketa Gabe txaranga.
- Frigo.
- Haurrentzat puzgarriak.