Jada egun batzuk pasa dituzte festetan Leaburun, eta oraindik asteburu osoa dute festa egiteko. Gaur, hasteko, patata tortilla lehiaketa egin dute, eta bikoteka parte hartu behar izan dute. Gazte ugari animatu da parte hartzera.
Behin patata tortillak eginda, pintxoa poteari ekingo diote, eta lehiaketarako egin dituzten tortilla horiek dastatuko dituzte. 21:00etan, Oinargi eta herriko dantzarien emanaldiaz gozatzeko aukera izango da, eta ostean, musika jarriko dute balio anitzeko gelan eta gaua luzatuko dute.
- Uztailak 2, larunbata
- 17:00. Frontenis txapelketa.
- 21:00. Herri afaria eta bingoa.
- Ondoren. Skapaie elektrotxaranga.
- 01:00. Musika balio anitzeko lokalean goizaldera arte.
- Uztailak 3, igandea
- 11:30. Perli eta koxkolo-ren ipuin musikala.
- 12:00. Txakolin eta pintxo dastaketa.
- 17:30. Herri kirolak.
- Aizkolariak: Iñaki Azurmendi eta Unai Zabala, Anjel Arrospide eta Ugarteburu beteranoen aurka.
- Herriko gazteen pentatloia: koxkolak, korrika, trontza, soka saltoa eta txingak.
- Koxkola biltzen: Lorea Ibañez Eneko Orbegozoren aurka.
- Korrika: Arrospide ahizpak elkarren aurka.
- Trontzan: Oier Orbegozo eta Iñaki Arrizabalaga, Oihan eta Amaiur Arrospide anaien aurka.
- Txingatan: Zubia anaiak Ugartemendia anaien aurka.
- Soka saltoan: Larreta ahizpak elkarren aurka.
- 21:30. Bonba bat naiz antzerkia.